SI UDUNG, HAYANG JADI TUKANG BOHONG

18. SI UDUNG, HAYANG JADI TUKANG BOHONG

Barang jol teh, si Sardung katalingeuh pisan. Teu langsung menta cikopi. Malah diuk, dikorsi tepas. Gap kana majalah, teu lemek teu nyarek. Panona nuju kana tulisan bok, gereng dibaca, jiga anu heueuh we lancar maca. Panon sakali-kali disipitkeun, dibolototkeun. Halis kerung.
Ehm.....keur mikir mun jelema mah meureun. Eta leungeun katuhu uyup ayap kana meja, rek nyoot gelas, marukanan geus nyieun cikopi. katalingeuh ea oge ku kuring, bari semu anu ngareret ku juru panon, semu era ku pohona.
Gereneng deui maca.
Sakali-kali mah hayang jadi tukang bohong.........sabab ku cara eta enggoning micinta saha bae bakal nembrakeun rasa anu sadar yen kabeh oge bakal naringgalkeun...............[GK Chesterton, Sastrawan Inggris]
Meni uleng-uleng tea, si Udung mikiran tulisan, diluhur. Kalan-kalan di hejah jiga anu sieun salah, "ha-yang- ja-di-tu-kang-bo-hong", eta tarang meni kerung-kerung wae.
"Sa-bab-ku-ca-ra e-ta-eng-go-ning-mi-cin-ta-sa-ha-ba-e-ba-kal-nem-bra-keun-ra-sa-a-nu-sa-dar-yen-ka-beh-o-ge-ba-kal-na-ring-gal-keun".
"Eleueuh....Rodiah, naha maneh teh rek kamana" pok si Sardung, meni luluasanan rek ninggalkeun Uing sagala. Moal, Uing mah. Moal ngijinan, ti baheula oge, maneh rek indit ka arab jadi TKW. Uing mah ngahalangan teh, sieun ditinggalkeun ku maneh. Matak Uing usaha tisuksuk ti dungdung oge, hulu dijieun suku-suku dijieun hulu. eta usaha teh keur maneh jeung anak urang.
Ulah Rodiah, ulah ninggalkeun. Omat sok we Uing titah naon. asal didinya ulah ninggalkeun.
eta geura si Udung, maca bari gegerenangan kitu, "nanaonan maneh teh dung", tanya teh.
"Ieu gera baca. Pajarkeun nyi Rodiah bakal ninggalkeun Uing", jawabna.
"Euleuh, meni gaya kitu, moal enya jikan didinya, meni hebat asup kna koran sagala, cikan urang baca".
"Yeuh...", pokna bari ngasongkeun majalah.
"Mana tulisan Rodiahna atuh, nahanya enya rodiah pamajikan didinya?", tanya teh meni heran tuda komo lamun ninggali, paroman si Udung anu kacida pisan sedihna, meni curem. keur mah, gode. tambah semu an ceurik beuki we goreng dodonges.
"mana ningan euweuh......."
"Tuhnya didinya mah, goreng sifat. Heureut uteuk. maknaan atuh anu dibaca teh. ulah ukur maca wungkul. mun geus kaharti, terapkeun naon anu dibaca dimaknaan teh".
"Heueuh erek dibaca. tapi teu kapanggih, anu mana-manana".
"Tah.....sakitu jelasna kalimat anu ieu yeuh. Sedih uing mah, sieun enya ieu kalimat. Ulah Rodiah, ulah indit anjeun. ton glulusanan", pokna deui bari jiga anu ngmong sorangan.
"Ehm.......abdul, siah. ieu mah papatah, oto hirup. meh teu katalanjuran lamun urang mikaresep hiji barang atawa hiji jalma. ulah teuing......kitu maksudna teh. lain ka Jikan didinya siah bedul", ku sebel, sugan teh enya we aya tulisan Rodiah rek ninggalkeun kusabab jadi TKW. Dasar tukang wejus.
"Meugeus ah, tuh cikopi cokot. sakalian pang nyieun keun keur kuring", titah teh.
"Bener uing mah hirup teh rek jujur we, meh teu naringgalkeun. sabab Uing jadi teu sadar jeung moal nembrak jadi meuren maranehna moal tulus re naringgalkeun. Sumpah Uin gmah rek jujur timimiti ayeuna mah. Asal ulah tulus we nyi Rodiah daftar jadi TKW na", meni ngageuri si Udung, jiga anu heueuh pamajikanana rek indit jadi TKW.
"Aeh naha sardung.....meni kamalinaan didinya ngabohong teh", jadi kasengenan.
"kamalinaan naon?"
"Heueuh ngabohong. Barina oge saha anu rek ngajak Rodiah jadi TKW. Moal-noal ninggalkeun. ngan cenah ceuk pesen Rodiah ka kuring, omat didinya ulah dek ngabohong deui", ceuk kuring, sakalian we dibohongan.
"Teuh......nya", ceuk si udung mimiti gorejag deui. beungetna teu pati teuing kusut, seperti basa tadi tutas maca majalah.
"Didinya mah, moal ahli ngabohong...kapanggih, tina juru halis. sifat didinya mah teu jujur tapi amun ngabohong sok kapanggih".
"Tinggali tuh Uing. Basa Rodiah, ngekeuhea rek Jadi TKW, ku kuring dibohongan, montong siah montong indit, mun teu indit ku kuring rek dipangmeulikeun mobil, keun bae ngecer oge".
"Mana MObilna ayeuna?"
"Aeh apanan ceuk kurin goge ngecer. Rek kapasar, meuli we mobil, sarebueun. rek kakota, ngecer we 3rb-eun. Sarua eta oge meli mobil", pokna meni teu euleum-euleum.
"Alah.....siah. di duduh. Rodiah, boga salaki anu kieu".
"Matakna jadi jelema kudu pinter ngabohong......Uing mah yeuh lila diajar ngaobohongna oge".
"Na aya, Dung guru ngabohong kitu?"
"Tah didieu......kurang dijarna didinya. Enya sakola luhur...tapi teu naek kelas. naek kelas tapi teu nyamen, nyamen tapi teu ngarti. Kitu tateh. Karunya teuing...beak wungkul biasya gede, didinya mah sakolah teh".
"Naha Dung, mamawa kadinya, euy!"
"Tinggali atuh, anu jaradi......embung ah, Uing mah nyebutkeuna oge. Apanan manehna jeneng teh alatan bararohong. matakna mun hayang jadi anu kararitu kudu jadi tukang bohong. Ngan ceuk tulisan ieu oge, ahirna bakal ditaringgalkeun atawa, dikana buikeun. mangga we tinggal pilih kudidinya" alah si eta meni pertengtang ngomong. Dasar tukang wejus, tukang gedebul. painga jago da menang guguru ningan bohongna oge.
"Mangga we teraskeun atuh sakola bohongna. Sakalian ka UNB kuliahna" pok teh.
"Naon tateh hartina", tanya si Udung.
"Universitas Negeri Bohong. lulusana tukang bohong kabeh. didinya cukup pantes jadi dosena. Filsafat bohong ", geuleuh tuda.
*8042010